Eftir farsælan, rúmlega 20 ára feril sem löggiltur fasteignasali á Íslandi hef ég fært starfsvettvang minn til Spánar þar sem ég sérhæfi mig í að aðstoða Íslendinga við kaup eða sölu fasteigna á Spáni.

Til að tryggja viðskiptavinum mínum fyllsta öryggis og gagnsæis hef ég lokið hinu viðamikla löggildingarnámi fyrir fasteignasala á Spáni (RAICV). Mér var í mun að klára þetta nám til að þekkja í þaula þær ströngu lagakröfur sem í gildi eru. Þessi staðgóða þekking á regluverkinu er lykilatriði til að tryggja hagsmuni viðskiptavina.

Ég starfa hjá fasteignasölunni Novus Habitat, sem þekkt er fyrir vönduð vinnubrögð, öfluga markaðssetningu og áratuga reynslu á spánska markaðnum. Þar að auki vinn ég í nánu samstarfi við fasteignasöluna Mikluborg á Íslandi. Saman tryggjum við öflugt og faglegt bakland frá fyrsta samtali, sem gerir mér kleift að leiða viðskiptavini í gegnum kaupferlið af festu og öryggi.